2023.10.04 / Azken berriak
Duela hamar urte Astigarragako ikastolako eta Norberto Almandoz musika eskolako irakasle eta guraso batzuk “Bapo kantari” antolatu genuen, kantu afaria. Afalondo ederra pasa genuen. Geroztik urtero antolatu dugu, pandemia garaiko bi urteetan izan ezik.
Aurten berrikuntza batzuekin gatoz. Orain arte maiatzean egin izan dugu, ostiral iluntze batean, baina oraingoan urrira ekarri dugu hitzordua eta larunbat eguerdira.
Gogotsu gatoz berriz ere, kanturako gogoz, bazkalondo bikain bat pasatzeko asmoz.
Aurrekoetan bezala, ederki bazkaldu eta kantuan ariko gara, eztarria urratu arte.
