2016.01.29 / Azken berriak
Sagardoaren ezaugarri bat nabarmentzekotan, zerbitzatzeko modua nabarmendu behar da; izan ere, sagardoa edalontzira botatzean, edalontziaren bazterra jo eta likidoa puskatu behar da. Oso ohikoa da sagardotegian galdetzea zergatik puskatu behar den sagardoa, eta guk beti azaltzen dugu horrela bakarrik goza daitekeela haren zapore guztiaz.
Sagardoak edalontzia jotzean, haren aromak lurrintzen dira, eta ezaugarri organoleptikoak indartzen. Sagardoa puskatzean ikusten diren burbuila txiki horiek sagardoaren aroma garraiatzen dute geure sudurreraino; horregatik zerbitzatzen da edalontzi zabaletan. Sagardoa ahal den arinena edan behar da, puskatzeko orduan sortzen den puntu karbonikoa gal ez dadin, eta horrexegatik ez da komeni izaten edalontzia asko betetzea.
Ikusten duzuenez, zinez inportantea da sagardoa behar bezala zerbitzatzea; hori dela eta, Petritegin lan hori erraztu nahi diogu kontsumitzaileari. Horrela erabaki genuen geure botila guztiei zerbitzatzeko balio duen kortxoa jartzea; horri esker, sagardoa behar bezala zerbitza daiteke mahaian. Harrapa dezagun geure edalontzian Petritegiren esentzia, tantarik ere isuri gabe!
Zerbitzatzeko modutik kanpo, badira Petritegin beti gomendatzen ditugun zenbait gomendio, sagardoaren ezaugarriez ahalik eta gehiena gozatzeko. Kontsumorako tenperaturarik egokiena 10 eta 13 gradu artean dago, eta, lehenxeago esan dugun bezala, hobe da edalontzi zabala eta mehea erabiltzea.
Produktu natural iragazi gabea denez, denborarekin botilaren hondora erortzen dira haren ezaugarrietako batzuk; horregatik, ireki baino lehen komeni izaten da astintzea barrenekoa homogeneizatzeko. Ireki eta gero, ez utzi hondatzen; hobe da lehenbailehen kontsumitzea ezaugarririk gal ez dezan. Eta onena, goza ezazu bera sagardotegiko menu goxo batekin!
Bideo honetan geure botilako sagardoa nola zerbitzatu azaltzen dizuegu.
