Petritegi, zurezko tolare bat izaten zuen, bere lursailetako sagarrekin sagardoa egiteko. Sagardoa familian kontsumitzeko ekoizten zen, baina saldu ere saltzen zen Gipuzkoako arrantzaleen ontzidiak hornitzeko, partikularrentzako eta sagardoaren tabernetan edo sagardotegietan kontsumitzeko.
Gaur egun, Petritegi sagardotegia toki egokia da sagardoa eta euskal gastronomia dastatzeko: natura betean, sagarrondoz inguratua eta Donostiatik 5 kilometrotara besterik ez.
Upategian sagardogilea eta sagardozaleak elkartzen dira; sagardogileak bere lanaren emaitza eskaintzen die sagardozaleei, eta horiek beren iritzia eta aitortza adieraziko diote. Era berean, elkarrengandik bereiz dauden mahaikideak hantxe topa daitezke, upategian, sagardoa dastatzera doazen bakoitzean.
Petritegin, sagastian hasten da sagarra kontrolatzen, jakiteko noiz ontzen den; horregatik da inportantea herrialdeko sagarrarekin lan egitea.
Kalitatezko sagardoa egiteko, sagar gaziak, tanikoak (mikatzak) eta gozoak nahasi behar dira; horretarako, sagar motak sailkatzen dira beren osaera fisiko-kimikoari erreparatuta. Nahasketa horiek ez dira beti berdinak izaten; zer-nolako produktua nahi den, aldatu egiten da.
Sagarra behar bezala ondu dela ikustean, hura biltzeari eta upategira garraiatzeari ekingo diogu, eta hor sailkatuko dugu. Zein sagar klase bildu dugun, alderdi batean edo bestea pilatuko dugu, gero nahastea behar bezala egiteko.
Sagarrak ehotzen hasi baino lehen, garbialdi bat ematen diegu, behar bezala kentzeko ondu bitartean erabilitako substantzia fitosanitarioak (ezinbestekoak sagarrak gaitzik izan ez dezan); bitartean, hautsetik eta lohitik ere garbituko dira. Ur horrek berak garraiatuko du hautaketa mahaira.
USagarrari lehen garbialdia eman ondoren, beste garbialdi bat ematen zaio presiopeko urarekin; horrela, substantzia kaltegarriak erabat kentzen direla ziurtatuko dugu. Hala, irakinaldi on bat bermatuko dugu, eta, beraz, kalitatezko sagardo on bat izango dugu.
Pauso hau oso inportantea da sagardotegian. Sagastian egiten dugu aukeraketa bat, baina pauso honetan, mahai batean garraioagatik oso kolpatuta etorri diren sagarrak kentzen ditugu, baita gehiegi heldu direnak ere.
Sagarra aukeratu eta garbitu ondoren, eho egingo dugu muztioaren zati bat ateratzeko, eta geroko prentsaldiari laguntzeko. Sagarra ehotzekoa erregulatu egin behar da, nolako produktua nahi den. Sagarra beratu egin nahi badugu, prentsatu aurretik, poliki ehoko dugu; izan ere, hori ez bada egiten, azaletik tanino asko aterako zaio, eta produktua mikatzegia eta oso koloretsua aterako da. Zuzenean tolaretik pasatu behar badugu, gehiago ehoko dugu, ahal den muztiorik gehiena aterarazteko.
Tolarean ahal den denbora gutxiena egon behar du, produktua kutsatzeko eta hondatzeko arriskua baitago. Bestalde, tenperatura kontrolatzeko atorrak ditugu, muztioa hobea aterako dela ziurtatzeko. Beti prentsatu behar da presio txikian, haziak ez lehertzeko, gustu zakarra ematen baitio amaierako produktuari. Tolarearen beste helburuetako bat da ahalik eta sagar muztiorik gehiena ateratzea; etekinak %75 ingurukoa izan behar du.
Tolaretik ateratzen den muztioa uherra izaten da, nahiz eta tolarearen irteeran sare bat izaten den partikularik solidoenak iragazteko. Muztioa deposituetan dagoenean, analitika bat egiten diogu, eta, hala, sagar moten nahasteak nolako kalitatea duen jakiten dugu. Fase horretan, zenbait gabezia zuzendu daitezke, falta den osagaitik aberatsa den muztioa gehituta. Analitikan, kontuan izaten ditugu azidotasuna, PHa, azukrea eta taninoak.
Gure ekoizpen depositu guztiek dute tenperatura kontrolatzekoa; inportantea da muztioen tenperatura jaistea, lehen irakinaren hasiera geldiarazteko, dekantatzez bukatu arte.
Dekantazioa egiten da solidoak muztiotik era naturalean bereizteko. Horretarako, ezinbestekoa da muztioaren tenperatura jaistea (10-12 gradura), eta hala irakinaldia atzerarazi. Horrela, muztioa solidoetatik bereiztea lortzen dugu, eta denborarekin (alde-alde, 12-24 ordu), hondora eroriko dira beren pisuarekin.
Dekantazio aldia bukatzean, muztio garbia ontzi batetik bestera aldatuko dugu, eta hor utziko.
Muztioaren azukrea alkohol bihurtzea da. Irakiteko orduan, legami izeneko mikroogranismo batzuk aritzen dira lanean. 1ºalkohol eraldatzeko, 17 g/l azukre behar dira. Irakinaldian, oso inportantea da tenperatura ere kontrolatzea (10-14 gradu); izan ere, zenbat eta tenperatura apalagoa, orduan eta aromatikoagoa egingo dugu; gainera, karbonikoari eutsiko dio era naturalean, ezinbestekoa kalitatezko sagardoa egiteko.
Lehenengo, hoditeria guztia esterilizatuko dugu nitrogenoarekin, oxigeno guztia eliminatzeko. Sagardoa oxigenoarekin kontaktuan sartzen bada, fruta izaera guztia galduko du, eta oxidatu egingo da (ilundu).
Inportantea da, era berean, tenperatura apaletan botilaratzea, ahalik eta karboniko gehienari eusteko.
Prest dago sagardoa kontsumitua izateko, eta hartaz gozatzeko kontsumo tenperatura ere kontuan eduki behar da (12-14 gradu). Beharrezkoa da sagardoa puskatzea haren aurreneko aromak lurrintzeko. Horretaz gainera, kopuru egokian zerbitzatu behar da, zurrupa bakarrean edateko; izan ere, edalontzian uzten badugu, karbonikoa galduko du, eta, hala, moteldu egingo da.
Sagardo botilak gordetzean, etzan egin behar dira toki fresko eta lehor batean. Haren kualitateez ahalik eta gehiena gozatzeko, komeni da botilak dakarren eguna baino lehenago kontsumitzea. Sagardo naturalaren kontsumo tenperaturak 10-13 gradukoa izan behar du. Sagardoa iragazi gabeko produktua da, eta denborarekin kondarrak egiten zaizkio botilaren hondoan.
Komeni da botila buruz behera jartzea eta astintzea sagardoa homogeneotzeko. Botila irekita, komeni da denbora laburrean edatea, eta kortxoa jartzea sagardoaren freskurari eusteko. Edalontziak zabala eta mehea izan behar du sagardoaren dastagarriak ahalik eta gehiena sumatzeko. Zerbitzatzeko orduan, komeni da botila zertxobait goratzea, sagardoak edalontziaren kristala jo dezan, eta segidan dastatu behar da.
Petritegiko upategian, sagardo propioa dasta dezakezu,sagardotegietako menu tipikoaz lagunduta. Hura osatzeko, zenbait jarduera prestatu ditugu, bakarrik zein familian gozatzeko.
Ikusi Petritegiren on line denda; gure sagardoa eros dezakezu, botila eta bilkari formatu batean baino gehiagotan, edonoiz eta edonon dastatzeko. Horretaz gainera, eskura dituzu Petritegik diseinatutako elastikoak.
Etorri gure sagardotegira, eta gozatu sagardotegiko menu tipikoaz. Aukera bat baino gehiago dituzu Petritegiko esperientzia denen gustukoa izan dadin. Dastatu gure txuleta; gozamen hutsa da zentzumen guztientzat. Gainera, haurren menua ere badugu, familia plana ezin hobea izan dadin.
