2018.06.06 / Azken berriak
Oraingoan, Petritegi sagardotegiak laguntzaile moduan parte hartuko duen proiektu baten berri ematera gatoz: EUSKAL BALE ARRANTZALEEN KOSTALDETIK IBILBIDEA BIZIKLETAZ. Donostiako Untzi Museoan aurkeztu da gaur goizean euskal kostaldea eta Islandia lotzen dituen proiektu hau. Historia, kultura eta aventura ere uztartzen dira aventura honetan. Izan ere, Euskal Baleontziak Islandian izan zuten presentzia gogoratu nahian hauen ibilbidea bizikletaz egin eta bidaiaren nondik norakoak bildu eta aireratuko ditu abenturazale talde honek.
Petritegi sagardotegiak, babesle bezela, proiektuari laguntza eman nahi izan dio. Gainera, Islandiara abiatu aurretik, ekainaren 30etik uztailaren 4ra, Irun eta Bilbo batuko dituen ibilbidea egingo dute bizikletaz, eta aurreneko egunean Petritegin izango ditugu bazkaltzen.
Euskal Kostaldean egingo duten ibilbidean parte hartzea irekia da nahi duen ororentzat. Norbaitek izena emateko edo informazio eske sagardotegira deituko balu, honako helbide eta telefonoetara bideratu behar da: www.subealabici.wordpress.com edo 616203656.