2024.04.11 /
Malum Rex Sagar Bar, Astigarragako Petritegi upategiaren proiektu gastronomiko berria da, sagardo on baten inguruan uneaz eta konpainiaz gozatzeko esperientzia berria. Malum Rex, Sagarren Erregea, planetako lehen SAGAR BAR da, kultura hau modu berritzailean gozatzeko leku alternatiboa.
PROIEKTUA
SAGAR BAR hau sortzeko ideia Ainara Otañok eta Jon Torrek, Petritegiko sagardotegi familiako 5. belaunaldikoak, azken 10 urteetan munduan zehar egindako bidaietan sortu zen. Bidaia hauetan sagardoa ekoizten duten eta joera gastronomikoak zabaltzen dituzten hainbat eskualde bisitatu zituzten, hala nola Alemania, Ingalaterra, Frantzia, Asturias, Bartzelona, Madril eta AEB; ekoizleak bisitatuz, nazioarteko azoka eta lehiaketetan parte hartuz, sagardoa kontsumitzeko modu desberdinak aurkituz (cider bar, steck house, tap-room, etab.) proiektua .
Horrela, lehenik eta behin, etxean produktua dibertsifikatzeko ideia sortu zen, eta, ondoren, kontzeptu gastronomiko berri bat sortzearena, non sagardo gama berri hori ikusarazi eta gozatu ahal izateko.
Petritegiko lantaldearen lanari esker, MALUM REX SAGAR BAR gauzatzen da. Ainararekin eta Jonekin batera bere ikuspegia eta ideiak islatu baititu. Ariadna Pereira izango da lokalaren arduraduna. Esperientzia handia du Donostiako ostalaritzan, eta ikuspegi gazte eta freskoa eman dio kontzeptuari. Ioritz Otañok, familiaren 6. belaunaldikoak, bere esperientzia eman du sektorean, ikuspuntu gaurkotuagotik. Argoitz Otaño, Ioritzen anaia eta etxeko enologoa, sagardoei buruz duen ezagutza eta produktu dibertsifikazioan duen esperientzia ekarri dio proiektuari.
MALUM REX ez litzateke posible izango bertako enpresekin egindako aliantzarik gabe, bai sormenari eta brandingari dagokienez, bai arkitekturari eta aholkularitza gastronomikoari dagokienez.
SAGAR BAR kontzeptu gastronomiko berri bat da, non botilaratutako sagardoa da protagonista, txorrota anitzeko barra eta “Sagardoen Aldare Handia” nabarmenduz, non bezeroek Euskal Herriko eta nazioarteko 40 erreferentzia baino gehiago izango dituzten eskura.
BALIOAK
MALUM REX lokal atsegina, alternatiboa, berritzailea eta jatorra da, non bertako produktuen kontsumoa eta sagardotegiko kulturaz gozatzearen plazera batzen diren. SAGAR BARen eskaintza honako hauen fusioan oinarritzen da:
Ezagutu gehiago HEMEN.
