<h2>Enpresentzako zerbitzuak</h2>
<p>Petritegin, <strong>behar diren zerbitzuak ditugu</strong>, leku berezia, erosoa eta lasaia aurki dezazun <strong>ekitaldiak antolatzeko</strong>: enpresa bilerak, kongresuak, produktuen aurkezpenak, team building... Gainera, eremuak errentan jartzeko aukera ematen dugu.</p>
<p>Landu zure jarduerak ingurune berezi batean, ohiz kanpoko giroaz gozatzeko eta zeure helburuak lortzen laguntzeko.</p>
<p><img src="/assets/img/servicios/sagar-break.jpg" alt=“Enpresentzako zerbitzuak” /></p>
<h3>Petritegi prestatuta dago enpresen bilerak egiteko</h3>
<p>Petritegin, eskura jartzen ditugu behar diren bideak eta baliabideak, topaketari laguntzeko eta laneguna ingurune berezian pasatzeko, naturaz inguratua eta Donostiatik 5 kilometro hutsetara.</p>
<p><img src="/assets/img/servicios/empresas.jpg" alt="Enpresentzako zerbitzuak" /></p>
<p>Upategiak <strong>zenbait bilera gela</strong> ditu <strong>200 lagunentzako</strong> tokia dutenak eta <strong>ikus-entzunezko baliabidez hornituak</strong>; bertan, honelako jarduerak antola daitezke, besteak beste: batzarrak, enpresa kontseiluak, integrazio jardunaldiak, lantaldeak, konpainiaren urteurrenak, urte amaierako afariak...</p>
<h3>Gainera, honako hauek ere egin ditzakezu Petritegin:</h3>
<p><strong>Jantokiak pribatiza</strong> daitezke, enpresa bazkariak edo afariak antolatzeko,<strong> bai sagardotegiko menu tradizionalarekin bai bestelako menu batzuekin</strong>.</p>
<h3>Jarduera bat baino gehiago kontrata daitezke, enpresa topaketak arintzeko:</h3>
<p><strong>Euskal folklorearen erakustaldiak</strong> afal aurretik: txalaparta, euskal dantzak, herri kirolak (aizkolariak, harrijasotzaileak)..</p>
<p><strong>Animazioa afarian</strong>: trikitia, zortzikoteak, bertsolariak.</p>
<p><strong>Dastaketa eskolak, sagardoa dastatzen ikasteko hasiberrientzako eskolak antolatzen ditugu, enologo baten bitartez</strong>, bezeroentzat edo langileentzat.</p>
<p>Mahaikideen arteko toka lehiaketa.</p>
<p><img src="/assets/img/servicios/actividad-cider-break.jpg" alt=“Enpresentzako zerbitzuak, Cider Break” /></p>
<h3>Enpresa opari berezia edo ezohikoa egiten lagunduko dizugu:</h3>
<p>Petritegik <strong>bisita gidatuak</strong> egiten ditu; esaterako, Txotx Bisita, <strong>sagardoaren mundura hurbiltzen gaituena</strong>, Petritegiko tokirik ezezagunenak bisitatuz eta Petritegiko sagardotegi menu zoragarria dastatuz.</p>
<p>Gainera, Petritegi produktuen sortak izaten ditugu; etiketa pertsonalizatua duten botilak, baso grabatuak...</p>
