2017.03.29 /
Asteburu honetan, Astigarragako Petritegi sagardotegiko Ainara Otaño, Frankfut-en (Alemanian) izan da, bertan ospatu den Nazioarteko IX. Pomme d´Or sagardo lehiaketan parte hartzen. Europako sagardo sektoreko profesionalez osaturiko epaimahaiak “Petritegi” sagardoari Pomme d´Árgent saria eskaini dio sagardo naturalen kategorian. Ainarak alemaniar hiriko Grand hotel Hessischer Hof Hotelean ospatu zen gala-afarian jaso zuen saria.
Petritegiko Otaño- Goikoetxea sendiko bostgarren belaunaldiko ordezkari den Ainarak, Alemaniako sagardo Kultura gertutik ezagutzeko aukera ere izan du (o apfelwein), bereziki Frankfurt hiri nagusi duen Hessen eskualdea. Sacheshaussen edo “Sagardoaren Auzoa” bisitatuz, bertako sagardotegi eta zerbitzatzeko modu tradizionalak ere ezagutu ahal izan ditu txarro (bembel) eta edalontzi (gerippten) tipikoak ezagutuz.
Igandean Frankfurteko Palmengarten-en kokatua zegoen eta mundo osoko sektoreko 100 ekoizle bildu zituen Apfelwein International azoka ere bisitatu ahal izan zuen Petritegiko sagardogileak, sektoreko berrikuntzak ezagutuz eta sagardoaren inguruko profesionalekin esperientzia eta proiektuak elkarbanatuz.
Bidaia erabat pozgarria batez ere,euskal produktu tradicional eta kalitate kontrastatuko gure sagardo naturalari egindako aitortzagatik, Otaño- Goikoetxea sendiaren Astigarragako baserrian egindako lanaren eskertza. Azken 100 urteetan egindako lan profesionalaren eta familiagandik jasotako tradizioari izandako errespetuari aitorpena.
Petritegik epai-mahaiari eskerrak ematen dizkio eskuratutako sariagatik eta baita egunez egun gure lurreko zaporeaz gozatzeko bere sagardoa aukeratzen duten guztiei ere….Petritegi sagardoaren jaiotetxea.
