2023.02.22 / Azken berriak
Astigarragako Petritegi sagardo-upategia, laister 500 urte sagardogintzan emango dituena, euskal sagardogintzaren bilakaeraren adibide garbia da: 1526ko dolare-baserri hau, gaur egun kalitatearen, berrikuntzaren eta produktuen dibertsifikazioaren erreferente bihurtu da.
Petritegiko zuzendaria Ainara Otaño Izaguirre dioenez, «Petritegiko ekoizpen taldeak produktu ugari egiten ditu: betiko sagardo naturalak, sagardo apardunak, sagardo zukuarekin, sagardo ekologikoak, alkoholik gabekoak eta abar. Gure kezka enologikoen ondorioz, sagar-bakarrak egiteko erronka dugu, zeresan handia emango duen sorta berria». Izan ere, "Petri" bat dago pertsona eta une bakoitzerako.
Petritegik kalitate handiena eskaintzeko konpromisoa hartu du, eta Ainarak dioen bezala, «gero eta sagardo gehiago egiten ditugu kalitatezko zigiluekin: Euskal Sagardoa, Gorenak, ekologikoa, eta IFS eta FDA ziurtagiriak ditugu».
2023an karbono-aztarna murrizteko eta upategiaren garapen jasangarriagoa hobetzeko ekintzak egiten jarraituko dute. Ekintza horiek dagoeneko egiten ari direnei gehituko zaizkie, hala nola, ekoizpeneko hondakin organikoak berreskuratzea, sagastietako Biobox proiektua, etab.
Petritegik nazioarteko txapelketetan domina ugari lortu zituzten 2022an: Sagar Krash-ek, urrea Frankfurten eta Bergenen (Norvegia); Apardunak, hiru zilarrezko domina (Frankfurt, Gijon eta Bergen); Suhar sagar-bakarrak, brontzezko domina Norvegian. Eta Gipuzkoan, Altzako XXXI. Sagardo lehiaketan txapela irabazi genuen.
2022an, Otaño-Goikoetxea familiak sagardo sorta berri bat aurkeztu zuen: Petritegiko Sagar-Bakarrak. Hiru sagardo paregabe dira, bertako sagar mota bakarrarekin eginak, eta, beren berezitasunaren bidez, sentsazio berriak sentitu nahi dituzten ahosabai zorrotz horiek tentatu nahi dituzte. Sagar-bakarrak dastatzeak sortzen dituen emozio berberekin bataiatu dira sagardo hauek: alaitasuna, ausardia eta suhartasuna.
Txalaka sagar motak alaitasuna transmititzen du eta Alai sagardo gazte, zitriko eta freskoa sortzen du.
Urtebi Haundi sagar motak ausardia transmititzen du eta horrekin Ausart ekoizten da, konplexutasun eta intentsitate handikoa.
Suhar sagardoak Goikoetxek duen grina islatzen du, eta sagardo orekatua, sentsuala eta iraunkorra aurkituko dugu.
Erronka enologiko honekin jarraituz, 2023ko udaberrian Urtebi Txiki sagar motarekin ekoiztutako sagardoa iritsiko da. Sagar hau txikia eta oso aromatikoa da, eta zapore garratza eta gozo-mikatz du. Sagar mota hau oso orekatua da.
Petritegi, 1526tik sagardogintzan.
