2021.09.02 / Azken berriak
Irailean gaude eta Astigarragako Petritegi sagardotegiak bere ohiko zerbitzu guztiak eskaintzen jarraitzen du, euskal sagardo-kulturaz gehien gustatzen zaizun moduan goza dezazun. Hemen sagardotegi, upategi, denda eta Petrikafeko ordutegi berriak.
Sagardotegiaren ordutegia honako hau izango da:
COVID-19aren pandemiaren hedapenari eusteko egungo murrizketen arabera, mahaiko mahaikideen gehieneko kopurua 8 pertsonakoa izango da, edukiera barnealdean % 50ekoa eta segurtasun-distantzia 1,5 metrokoa. Instalazio guztietan maskara erabiltzea derrigorrezkoa izango da eta zutik kontsumitu debekatuta dago; beraz, sagardoa botiletan zerbitzatzen jarraituko dugu. Gogoratu Petritegin zure behar bereziak kontuan hartzen ditugula (zeliakia, alergiak, haurdunaldiak, etab.), horregatik aurrez aipatzea eskertzen dizugu.
Sagardotegiko menuak kontsultatu eta zure mahaia, reservas@petritegi.com helbide elektronikoan edo 943457188 telefonoan erreserbatu dezakezu.
Astigarragako Petritegi upategia, jatorria izen bereko 1526. urteko baserrian duena, bisitatzen jarrai daiteke euskal sagardoaren kultura ezagutu eta gozatzeko. Horretarako, hainbat kultur eta gastronomi esperientzia eskaintzen dizkizugu:
Badakizu, Petritegik plan ezin hobea proposatzen dizu: Euskal sagardo-kultura ezagutzea eta horretaz gozatzea, tradizioan oinarrituriko gastronomi proposamen batekin, eta hori guztia Donostiako erdigunetik 7 km-ra dagoen natur ingurune batean.
Kontsulta eta erreserba gehiago nahi izanez gero, jarri gurekin harremanetan: visitas@petritegi.com edo 943457188.
Astigarragako Petritegi upategiko dendan gure dolarean egindako produktu guztiak erosi ahal izango dituzu (sagardo naturalak, sagardo apardunak, zukuak, cider-ak, etab.), baita gourmet produktuak ere (gazta, irasagarra, teilak eta zigarrtxoak, txokolateak, etab.). Dendak ordutegi hau du:
Produktu horiek online dendan ere eros ditzakezu, penintsula osorako bidalketak egiten ditugu eta 50 €-tik gorako eskaeretarako bidalketa-gasturik gabe.
Petritegi, gozatu bizitzaz elkar zainduz.